Leiarforum 2026:

Leiarskap for regional utvikling

Påmeldinga til Leiarforumet 2026 er avslutta.

Som deltakar finn du no fult program på denne sida.

Gjengen frå Leiarforum 2025.

Leiarforumet 2026 er no i gang!

God regional utvikling skjer ikkje fordi éin leiar har ein god idé, eller fordi éi bedrift satsar stort. Det skjer når mange personar, verksemder og initiativ dreg i same retning.

Er det mogleg å vere ein god leiar i eiga verksemd og samstundes bidra til at regionen utviklar seg i ei felles retning? Korleis får me til det? Me trur det skjer mykje bra når leiarar i regionen møtest og lærer av kvarandre.

Gjennom felles læring og gode samtalar kan me utforske kva Sogn 2.0 skal vere.

For å bli Sogn 2.0 treng me leiing, og me treng leiarar. Hausten 2026 inviterer SognU40 til leiarforum med fokus på leiing i og for Sogn. Du får høyre inspirerande døme på god leiing i ulike organisasjonar, og ikkje minst lære korleis me kan jobbe meir saman her i Sogn. Dette gir deg nyttig innsikt i innovasjonsleiing, med ein smak av Sogn.

Forumet er basert på forsking om leiing for regional utvikling, og me møter leiarar som har fått til samarbeid på tvers av næringar og bygder i Sogn. Nokon har bygd næring på lokale ressursar, andre har lukkast med nye satsingar som ikkje nødvendigvis har røter her.

Det som er felles, er at dei treng kvarandre for å skape og gripe moglegheiter. Difor handlar ikkje dette forumet berre om å lære – men om å skape Sogn 2.0. saman.

Årets program

Gjennom tre samlingar skal me utforske korleis leiarar kan leggje til rette for innovasjon, utvikle og realisere nye idear som skaper vekst. Vidare rettar me merksemda mot leiing, sjølvinnsikt og samspel, før me på siste samling avsluttar med menneska i sentrum. Leiarforumet blir avslutta med felles avslutning på Sognafest 2027, der alle kursdeltakarane som fullfører får gratis billett!

På samlingane får du møte leiarar som har fått til samarbeid på tvers av næringar og bygder i Sogn. Ein unik sjanse til å møte dei i ei personleg setting, lære av dei og diskutere med dei. Meir informasjon om foredragshaldarane finn du under programmet.

Samling 1: Innovasjon og vekst

Dato: 30. september 2026

Stad: HVL, Sogndal

Tid: 17.00–20.30

Foredragshaldarar:

Jarle Bastesen – Førsteamanuensis ved Høyskolen Kristiania
Martin F. Stølen – Gründer og seniorforskar/førsteamanuensis frå Vestlandsforsking og Høgskulen på Vestlandet
Roger Ulvestad – Innovation Lead i Highsoft

Samling 2: Leiing, sjølvinnsikt og samspel

Dato: 18. november 2026

Stad: Fylkeshuset, Leikanger

Tid: 17.30–20.30

Foredragshaldarar:

Leif Longvanes – Førstelektor ved Institutt for planlegging, administrasjon og skuleretta fag ved Høgskulen i Volda
Harald Mundal – Fruktbonde med erfaring frå leiing, næringsutvikling og førelesning

Samling 3: Menneske, moglegheitar og felles retning

Dato: 12. januar 2027

Stad: Lerum, Kaupanger

Tid: 17.30–20.30

Foredragshaldar:

Trine Lerum Hjellhaug – Administrerande direktør i Lerum

Avslutning: Sognafest, januar 2027

Sognaklynga spanderer billett til Sognafest 2027 for alle som fullfører leiarforumet!

Årets innleiarar

Jarle Bastesen

Førsteamanuensis i organisasjon og ledelse ved Institutt for Ledelse og organisasjon ved Høyskolen Kristiania.

Han fortel om korleis ein lukkast med vekst i ein verksemd og deler nyttige innovasjonsverktøy. Me får òg innsikt i innovasjonsprosessar i etablert næring og kven du bør spele på lag med.
Martin F. Stølen

Gründar og Seniorforsker/ Førsteamanuensis frå Vestlandsforsking og Høgskulen på Vestlandet.
Me får høyre om reisa med utvikling av spin-off selskapet Fieldwork Robotics Ltd, og utfordringar på vegen. I tilleg om vegen frå ny teknologi til marknad, finansiering og korleis ein riggar for gode innovasjonsprosessar.
Roger Ulvestad

Innovation Lead i Highsoft.

Me får innsikt i korleis Highsoft jobbar målretta med som ein sentral del av vekststrategien. I tillegg til erfaringar frå å byggje vidare på ei global teknologiverksemd med røter i Sogn/Vik, og korleis dei utviklar seg vidare i ein global teknologimarknad.
Leif Longvanes

Førstelektor ved Institutt for planlegging, administrasjon og skuleretta fag ved Høgskulen i Volda.

Eit av spørsmåla Leif tek med seg inn i samlinga er om leiing ein ryggmarksrefleks, elle om det er noko me kan øve oss til å bli betre på.
Harald Mundal

Fruktbonde i Lærdal, med bakgrunn som dagleg leiar i Sogn Frukt og Grønt og næringssjef i Lærdal. Han har òg undervist i organisasjonsteori og organisasjonsutvikling ved HVL.

Harald loser oss gjennom eit gruppearbeid med fokus på korleis me kan leie gjennom å forstå oss sjølv i møte med andre.
Trine Lerum

Adm. direktør i Lerum.

Trine skal ha menneska i fokus, og snakke om korleis inspirere, involvere og skape retning i felleskap med dei tilsette.