Styret i Sogn U40
Styremedlemane
Andrea Fardal Opseth (leiar)
Manager i PwC
Andrea er frå Kaupanger, gift med Mathias og har 3 born. Utdanna siviløkonom og master i strategi og leiing frå NHH, samt bachelor i idrett, fysisk aktivitet og helse. Andrea jobbar i dag som rådgjevar i PwC Sogndal. Ho har erfaring som avdelingsleiar i DNB Bergen, samt erfaring gjennom den familieeigde bedrifta Førde Sementvare. Andrea er overbevist om at Sogn har mange dyktige, unge som vil vere med å prege næringslivet framover - og at eit slikt nettverk vil styrke den lokale utviklinga.
Sigrid Alice Hovland (nestleiar)
Finansieringsrådgjevar Innovasjon Norge
Sigrid er siviløkonom frå NHH og jobbar i dag som rådgjevar i Innovasjon Norge. Ho har jobberfaring frå SPV og Statens Vegvesen, samt fleire styreverv. Sigrid er glad i fotball og trur at ein kan utrette mykje som lag, og at det kan komme mykje godt ut av ei slik etablering.
Juan Pablo Montoya Urdaneta
IoT Manager, Avery Dennison
JP er opprinneleg frå Mexico, men har sidan han flytta til Sogndal i 2012, følt seg heime her. Han har bakgrunn frå kjemiteknikk og ledelse og vidareutdanning i innovasjon og produktutvikling. Han har også erfaring frå journalistikk, venturekapital, ingeniørarbeid og teknologiutvikling. Som medlem av styret i Sogn U40, er JP ivrig etter å bidra til å skape eit miljø der unge profesjonelle kan vokse, innovere og forme framtida til Sogn.
Henrik Skyttermoen
Rådgjevar, Sogn Næring
Henrik er fødd og oppvaksen i Lillehammer. Etter fem år i Sogndal har han gått over til å bli fulltids vestlending med manglande dialekt. Han har bakgrunn frå reiselivet, både innan jobb og studium, og ein mastergrad innan innovasjon og marknadsføring. Henrik er også ein av de mange skiglade tilfyttarene i bygda, og for han finnes det ingen ting bedre enn å stå på ski. Til daglig jobbar Henrik som rådgivar i Sogn Næring der han har hovedansvaret for arrangementer og FUS kontorfellesskap.
Hilde Instefjord
Personvernrådgjevar, Vestland Fylkeskommune
Hilde er frå Leikanger og har ein bachelor i marknadsføring frå BI og ein master of business frå Univerity of Technology Sydney. Då GDPR kom å øydela all moroa med marknadsføring bytta ho lag, og jobbar no med personvern istaden.
Etter å ha jobba mange år i privat sektor har ho, som systrendingar flest, havna i offentleg sektor, nærare bestemt vestland fylkeskommune
Kristin Myhra Sæterdal
Assisterande instituttleiar, Høgskulen på Vestlandet
Kristin er bergenser, men har landa i Sogndal saman med familien. Ho er utdanna fysikar frå Universitetet i Oslo og leder ein fagseksjonen ved HVL som mellom anna jobbar med korleis vi som samfunn kan utnytte naturressursar til produksjon av fornybar energi på best mogleg måte. Kristin er spesielt oppteken av å tilrettelegge for kunnskapsdeling og faglege samarbeid i regionen, og har gjennom jobben ved Høgskulen fått lov til å representere kunnskapsmiljøet ved HVL i etableringa av vitensenteret ViteMeir.
Andrea Lomheim
Administrasjonssjef, Sygnir
Andrea er busett i Sogndal. Ho er utdanna siviløkonom frå NHH og er i dag tilsett hjå Sygnir som administrasjonssjef. Har erfaring som revisor og trainee hjå Framtidsfylket Sogn og Fjordane, og som Finance Manager hjå Avery Dennison NTP.
Silje Flugheim Heggestad
Advokat i Advokatfirmaet Tollefsen
Silje er oppvaksen på Hafslo, men busett i Sogndal. Ho er utdanna jurist frå Universitetet i Bergen, og jobbar som advokat hjå Advokatfirmaet Tollefsen, der ho har vore tilsett sidan 2014. Ho meinar at dei unge er framtida for regionen, og at eit nettverk der dei unge kan etablera gode samarbeid (også opp mot og med dei meir erfarne) vil vere viktig for ei framleis positiv utvikling i regionen.
Henrik Holmberg
Head of Business Development Highsoft
Henrik bur i Vik i Sogn og er far til Peter. Han er tidlegare friidrettsutøvar for Vik IL og jobbar no fulltid i Highsoft og er fotballspelar på si. Har bachelor i Historie frå Høgskulen Vestland, Bachelor of Arts frå Augustana University (USA) og er siviløkonom frå NHH. Han gler seg til å bidra med engasjement frå sørsida av Sognefjorden, og ser fram til å bygge vidare på den viktige jobben Sogn U40 har gjort til no!
Camilla Lerum Bondevik
Prosjektleiar i Lerum
Camilla er utdanna økonom med ein Bachelor of Management frå Handelshøgskulen BI, vidareutdanning i leiing og fagskule i logistikk. Ho har erfaring frå Lerum og Helse Førde, i tillegg til styreverv. Camilla trur eit slikt nettverk vil hjelpe unge med å etablere gode relasjonar, som er viktig for å skape utvikling i regionen. Ho er overbevist om at ein saman klarar å skape gode resultat.
Anita Foss Midlang
Kommunalsjef Helse og Omsorg, Hemsedal Kommune
Anita er frå Sogndal, gift med Roar og har 3 born. Har ein mastergrad i organisasjon og leiing frå høgskulen på Vestlandet og bachelor i vernepleie. Ho har arbeidserfaring frå kommunal sektor som kommunalsjef for helse og omsorg. Anita har ei brennende interesse for utvikling-, kvalitet-, digitalisering- og innovasjonsarbeid!
Heidi Breili Bøthun
Leiar for sal og marknad, ViteMeir
Heidi er frå Sogndal, og etter litt fram og tilbake endte ho opp på Kaupanger. Gift med Stig og har 2 born. Utdanna lærar, og kapra draumejobben på ViteMeir. Heidi er sikker på at me som skal forme framtida til Sogn har stor nytte og glede av eit slikt nettverk.
