It’s a wrap! Leiarforum 2025 er fullført

Tredje og siste samling blei gjennomført saman med Trine Lerum Hjellhaug i Lerum som delte sine erfaringar frå å bygge bedriftskultur.

Onsdag 14. januar 2026 blei siste samling i "Leiarforum: Leiarskap for regional utvikling" gjennomført saman med Trine Lerum Hjellhaug, administrerande direktør i Lerum.

Trine har mykje god erfaring å dele frå, og viste oss korleis ein leiar kan inspirere, involvere og skape retning i fellesskap med dei tilsette. Systematisk arbeid med involvering gir resultat, og kan forme ei verksemd der folk har lyst til å bidra.

Temaet spelar godt i lag med dei to førre samlingane i forumet: Korleis kan innovasjon skape endring i etablerte verksemder? Og korleis kan ein leggje til rette for framtidstenking og utviklingsprosjekt i regionen?

Me i Sogn U40 trur det skjer mykje bra når flinke folk i regionen møtest og lærer av kvarandre. Me er stolte av å ha samla deltakarar frå mange ulike bransjar, og håpar me har klart å skape ein arena der deltakarane får utvida nettverket sitt og etablert ein god grunnmur for samarbeid på tvers av næring og i regionen.

No gler me oss til deltakarane skal samlast på Sognafest for ei skikkeleg avslutning!

Takk til deltakarane som ville vere med, til alle som har bidrege i form av innlegg og opplegg, og til Sogn Sparebank for støtte til leiarforumet. Utruleg kjekt at forumet blei ein så stor suksess!