Ein mjuk start på hausten

Onsdag 9. september starta me dagen litt annleis enn vanleg, med yoga, hotellfrukost og i godt lag på Quality Hotel Sogndal.

Trine Smukkestad Lavik losa oss gjennom ein roleg og behageleg yogatime, med ein god kombinasjon av rørsle, pust og avspenning. Ein skikkeleg fin måte å starte dagen på.

Ein roleg morgon med tid til å sleppe tankane og la pusten flyte.

Etter yogatimen venta frukostbuffeen på hotellet. Over kaffi og god frukost fekk me tid til å bli betre kjende, slå av ein prat og starte dagen saman før jobb og andre gjeremål venta.

Takk til alle som tok turen og var med på å skape ein kjekk morgon! Og ein ekstra takk til Trine for ein herleg start på dagen.

Me håpar å sjå dykk igjen på neste Sogn U40-arrangement :)